TOP 

30. Määrt 1940 - 24. Feberwaar 2017

Neeisgierig up de Wereld
Neeisgierig up dat Leven

Mit open Ogen dör de Wereld gahn.
Mit all fiev Sinnen de Wereld gewahren.
Alltied Dörst hebben na Weten.
Sük de Fingers wundschrieven.
Wat gifft 't Nejes bi Land un Lüü?
Wat gifft 't Nejes in de olle Tieden?
Neeisgierig up Wereld un Umwereld.
Achter de Dinge luren.
De Lüü up 't Muul kieken:
Wo proot dat Volk van 't Tichelwark,
Wo de Lüü up 't Moor?
Riek an Kenntnis, Boken schrieven,
Mehr as fievtig Boken,
Neet to tellen, wat in 't Geheel
An 't Lücht kummt dör hör Penn:
Wetenskupp för elk un een.
Twee Maal de Dokter tosproken kriegen.
Wat saait word, brengt rieke Arnt.
Mit en malle Krankheid leven,
Na binnen kieken, dat egen Leven up de Spoor.
Alltied neeisgierig.
Wo de Kanker sük dör Liev un Levend frett?
Doodsneeisgierig.

Hans-Hermann Briese