TOP 

18.09.1924 - 31.12.2014

 

In Wittmund in dat Harlingerland,
daar leevt en Mann, in ’t Land bekannt.
He harr in sien Kuntrei grood Verdennsten
um ’t Heimadland, um d’plattdüütse Taal. *
An d’ Küste kennen hum de meesten tominnsten,
un unner de Schrieverslüü kennen hum all.

Van d’ Realschool was he de Baas lange Jahren,
van hum kunnen Mesters un Schölers vööl leren.
s Grünner van d’ Heimadvereen dee he regeren,
as „Jan Schüpp“ in sien „Harlinger Anzeiger“ simm’leren,
gung ’t um Kultuur, sük inmengeleren,
för ’t Bestahn van Plattdüüts sük still interesseren.

Bit in ’t hoog Oller schreev he för ’t Bladd un de Klenners.
As Lidd van de Warkkring van de Autoren
schreev he för mennig moje Book. **
Dee he vördragen, kwammen de Oostfreesland-Kenners,
to hören sien Woord mit heel spitze Ohren,
un wat se gewahr wurren, dat mook hör klook.

Nu is he neet mehr. He sall uns fehlen.
Wi willen de Gedachten van Bonhoeffer delen:
„Von gode Krachten wunnerbaar burgen,
  verwachten wi gerüst, wat komen mag.
  Gott is bi uns an d’ Avend un an d’ Mörgen
  un dat heel wiss an elke neje Dag.“  ***

 Hans-Hermann Briese

    *  För sien Verdennsten um dat Harlinger Platt kreeg Helmut Hinrichs  de „Keerlke-Pries“ van de Vereen „Oostfreeske Taal“ 
  **  So in “Eems-Jade-Kanaal 125“, Warkkring van de oostfreeske Schrieverskes un Schrievers 2013
***  Dietrich Bonhoeffer „Von guten Mächten wunderbar geborgen“  in de Overleden-Naricht in de „Anzeiger för Harlingerland“